Comunu de Fordongianus

contatta il comune

A Fordongianus dhu connoscint in totue ca intra lacanas de logu cosa sua dhue funt is termas de tempus de is romanus e medas gavas de una genia de trachite colorida e de présiu; sa bidha, (chi est a 36 m asua de su livellu de mari), est collocada asua de unu paris de trachite a faci de una camba de arriu de su Tirsu. Su primu fràigu de is termas chi dhu ait fatu pesare su imperadori TRAIANU, in su I sec. A.D. isfrutandhe s' acua chi bessit callente( a 54°) de unu logu tzerriau Caddas. Intra de su fràigu imponenti chi si agatat ancora est allogada una barsa manna chi si narat natatio, chi aprimu fuit ammuntada, comenti si podit ancora biri, cun una bòvida a carrada e inghiriada cun una lolla fata a arcus. Asua de custu, chi est su fràigu prus antigu, apustis chi aiant pesau unu atru istabbilimentu chi est de su III sec. A.D.. Is termas funt cumpostas de su "frigidarium" po fàiri bagnos fritos, de su "tepidarium" po fàiri bagnos tébidos e de su "calidarium" po fàiri bagnos callentis. Sa bidha de Fordongianus tenet una bisura colorida ca medas domos funt fraigadas cun sa perda ruja de logu traballada de is picaperderis. In sa "capitali" de sa trachite, custa perda est una arrichesa manna de traballu e de cultura, ca ci funt is gavas e is butegas inue is picaperderis traballant cun facilidadi custa perde modhe e ca dogna annu de s' istadiali de su 1990 in su mesi de tríulas i austu zat acatu a unu cuncursu de iscurtura chi est diventau unu atóbiu de meda importu po artistas de totu su mundu . Su númene de Fordongianus ndi benit de su latinu " Forum Traiani" citade de su imperadori Traianu ma sa bidha est ancora prus antiga difatis in totue si agatant domus de janas e nuraghes e intra custos calecunu, comente Casteddu Ecciu, fintzes impreau apustis. Ma est in època de is romanus chi Fordongianus benit a essi unu logu de importu mannu mascamente po is acuas de is termas e po su controllu de is gherreras Civitates Barbariae. A testimoniu de custu abbarrant is muros arrutos de is termas. Colau chi ci fuit su tempus de su imperu Romanu, in su 534, benit istituia sa sea de su Dux, su cumandanti mannu de is milìzias bizantinas e po unu pagu de tempus Fordongianus pigat su númene de Chrisopolis "tzitade de s' oru" ca ci funt allogada sa càssia de oru po is pagas de is milizias. S' abbilesa de is picaperderis si biet in meda domus de su 600, comenti "sa domo Aragonesa" chi tenet su fràigu de trachite ruja e is contones picaos in fatura goticu- Catalana. Intra de is festas depeus ammentare :Sant' Antoni de yerru , Santu Lssurtzu, e santu Archilau e sa mostra de artesania chi si faet in su mesi de austu.