Comunu de Fordongianus

Cerca nel sito con Google:

Contatta il Comune

contatta il comune

Su Simpòsiu Internatzionali de Iscurtura nascit in s' istadiali de su 1991 cun s' intensione de avalorai sa trachite e de fàiri connosci aundi si siat sa iscurtura de perda. Sa trachite de Fordongianus est una perda vulcànica chi in logu nostu s' agatat in totue. Custa perda non est naschia de sa lava chi fuliaiat su vulcanu, ma de nues mannas e callentes de gas ammesturau a chinisa e crastos de fogu, chi si funt pesadas a chelu che tentas de fogu de sa buca de su vulcanu e chi, mancai a pizighedhu fine, chi aiant ammuntau una isterrimenta manna de logu chi, infritandesi abbellu abbellu, at zau s' aerzu a totu sa badhe de su Tirsu. In is giassus inue sa perda arresurtat prus tosta ci funt is gavas, in cussos inue est prus modhi is domus de janas. Sa preséntzia de atrus mineralis a zau a sa perda de inoghe diferentis coloris difatis, a parte su prus connotu "Ruju de Fordongianus", s' agatat fintzes cussa in colore de chinisu e de celu. Sa calidade de custa perda depiat essi connota fintzes de s' antigoriu puite ca in giassus medas de su territóriu de sa bidda ci funt monumentus chi ndhe inditant s' impreu fitianu chi si ndhe fiat fintzes de issara. Su impreu prus mannu est perou in tempus de is romanus, diasi comenti arresurtat de is termas fraigadas cun arrocas mannas colori de chinisa segadas in cuadratura a modu de " opus quadratum" e de su ponti a seti arcus asua de su Tirsu fatu de blocos de trachite asua de su antigu ponti romanu. Oe sa trachite est impreada po fairi fraigos, mascamente is faciadas de is domos chi po bellesa benint lassadas chentza de arbiare, po fàiri contones e trastos po is domus. Su impreu de prus importu po s' arte est cussu de su Simpòsiu Internatzionale de Iscurtura, inue is artistas arresurtant a bogai a campu sa versatilidade de custa perda.

 | Ufìtziu Limba sarda  | Mapa de su sito  | Acessibilidade | Notas legales  | atòbia su comunu | Credits |